閃咁快說

秋闈

朝廷開科取仕,信上都講 "I am pleased to invite you to attend ......." 咁鬼客氣,當然要準時出席啦! 考三科,一曰 IQ ,二曰中文運用,三曰英文運用。 每科一小時,連等連做,一個寶貴既星期六下午就沒有了~ 考的結果如何? IQ 卷一定全軍盡墨啦!

吾曰之 IQ ,其正確名子叫 Aptitude Test,考數理邏輯睇圖也。 其近似 IQ 題的原因是當中有近半都是「前面有三條門,得一條係出口。 ABCDE 五人各有表示,A說左面的是,B 說 C 是騙子,C 說 A 同 C 都是講真話, D 說中間和右面都不是,E 說只有 B 說的是真。 究竟邊條門係真呢?」或是 「數序 3,7,5,0,6 下個是什麼 」 之類的問題。 唉~ 得果一粒鐘邊夠做呀! 睇怕我個考試不敗既齋勃都要被打破了。

不過考時考,E+D政府工申請前先要整個試,仲要三科 PASS 哂先叫合資格,成績又只可有效兩年,數下手指夭折率同折舊率咁高,各部門篩選應徵者時輕鬆好多啦。 又又,考完個試我對考得合格的人真是有點佩服。

另一樣有趣是D考試題目,用街外料可能有版權問題啦,所以很多題目都是說回政府自己,還有一些像是官員的演講稿,於是三科卷都洋溢著愛國愛港的高尚情操,例如政府解釋房屋政策呀,議案的草議流程呀,經濟轉型之迫切呀,同我國經濟起飛帶來機遇之類。 這就令我想到從前禁鴉片時有「寓徵於禁」,現在居然有「寓愛國教育於考試」,你話妙唔妙呢!

又又又,隨回鶢,又有中文試要考,可以請得的公務員來都是根正苗之中國人啦! 非我族類之公務員只有減少,不會增多。 所以我成日都諗你果個什麼什麼「華員會」個華字幾時先會搣左佢? 個名令我勾起對港英殖民政府的記憶,有D正字不正確囉我成日覺得。

色戒

說色戒,倒不如說高陽的《粉墨春秋》,故事一書三冊,易先生的原裝故事就在 book 1 。 這書好看,不過也有很悶的地方,這高陽和李敖有些共通點,寫小說得來內容太豐富,作者很多時忍不住要走出來夫子自導說十幾頁大道理。 另《粉墨春秋》的人物又多,有些人真是沒興趣去理他啦,例如是金雄白, book 2 成本就是說他去了東北,美其名攪「戰時外交」 (代表南京汪記政府出訪滿州國),實質講他溝女之嘛! 所以想看汪記政府起落的,只看 book 1 & 3 就夠了。 看埋 book 2 會死好多腦細胞。 田園書店有售,好像是 $60-$70 三本,甚抵睇。

高陽

高陽的書有其吸引的地方,他寫歷史人物的城府及說話時的圓滑玲瓏寫得很透切,真係好似係佢肚內條蟲一樣,不過佢D書又衰,書底書面往往無簡介,得個書名。 本書係寫邊個呀,咩背景呀,咩都唔知。 買的時候真係要撞手神。 例如我有本叫「梅丘生死摩耶夢」,原來係講張大千的故事。 不過書就真係有D悶,成日用字來說畫,係好多好多超多的晝同石印,大哥無超人的幻想都唔知你講咩啦! 本書出本圖文版就差唔多。

NDS,書,媽媽

最近我阿媽除左玩 NDS 打麻雀外,還用極速消化我的書,《何東》是最近完成的讀本,時間為一個星期。 現在她在讀《東京鐵塔》...... 簡直係勁!

灣仔

保肉人事又係妙~ 棚又搭左,圍街版又起左,水電煤又斷左,E + 唔拆留來養蚊咩? E + 唔拆比番你都唔會住啦~ 不過想做攔路虎,等佢拆慢D,煩下個拆樓商都唔係冇辦法既...... 不過沙鹿滾滾,為免殺錯良民,都係不說了~~ 嘿嘿......

Comments

birgit said…
”摩耶夢”出圖文版,同感.以前讀時,也是心痒痒想一睹面目.後來google一番,找到這個網站http://chinapen.tripod.com/sign/home.html

讀”法源寺”時,想起的也是高陽,不過不是他們的同,而是異.李敖把自己說得天上有地下無的古今第一人,但”法源寺”,還有”上山上山愛”,都予人浪費了好題材好思想的感覺.長篇累牘的宏論,拆開來,有看頭,擺在小說裡,怪.當然,李自己會說,誰說(歷史)小說不可以這樣寫法?高陽雖也好議論,還肯留白.
rm501 said…
多謝提供~~ 你令我又重燃看下之決心了~ :)
蘆 葦 said…
CRE 放0左 榜
結果如何?
rm501 said…
fail in IQ Test~~ :(
蘆 葦 said…
其實唔係所有政府工都要AT Test 合格