Monday, March 01, 2010

馬拉蟲記 I

0301-00174-001j1head_410401gacov


跑之前有人撰文稱我城馬拉松辦得不好,由地點、時間、跑手(不論長短)、到氣氛都是不好。 跑完後,傳媒的頭條都是圍繞天氣有幾差,幾人死傷等等,雖然內文都有些勵志、歡欣的報導,但給人先入主的還是馬拉松的負面消息。 偽持平,實小啖沙糖,大啖X。

由香港市民看,大家真的好想它辦不下去嘛? 喂,香港稱得上盛事有全民參與的東西真的越來越少,沒有了它,實是自我邊緣化的蠢行。

又,有人死傷喎? 頂,睇寶珠姐都會死人啦! 要不要每次演唱會前找來些咩專家日夜對大家說「要量力而為,不要勉強」云云? 記住,參得賽的都是成年人(或在家長批准下參加),自身安全,自會貴客自理,要由傳媒 (或政府) 當終極監護人? 真是多謝都來唔切,兼覺嘔心。

又,氣氛差? 鬼咩,沿途都有牌叫人減低聲量,不要擾人云云,氣氛想熱都難啦。 家陣不是黑夜鬥偷渡,無聲無息的跑呀跑有什麼意思? 一味驚人投訴,一味驚接人投訴,無咩氣氛實理所當言。
DSC01227
又,氣氛真係差咩? 今年是第一年參加的我則覺人人都跑得起勁、精神、開心喎! 單是早上一起地鐵,都是志同道合人,已是興奮萬份。 不要說有份參加,就算每逢馬拉松前,看到晚上通街都有人練跑,都會覺得我城正有股朝氣在醞釀著,感覺是很好。

最後想說,我城的馬拉松活動 (應是「一年一度的跑步活動」)是個好的東西,覺得跑步噪音噪到你的人,求你包容下啦,一年一次啫;將馬拉松用災難模式報導的傳媒,求你包容下啦,我想五萬多參加者,應該都跑得很高興吧? 讓其他香港人感受一下五萬多跑手的歡樂,可以嘛?
***

馬拉蟲者,即「如馬向前奔的意志拉動懶如寒蟲的身軀」是也。

1 comment:

sekssdragon said...

嗰個 "請保持安靜" 牌的確好攪嘢, 可能全球唯有香港主辦單位至會喺賽道上擺個咁既牌! (咁香港咪又多個 "第一"?!?)

呢個牌, 同 "請勿踐踏草地" 都可算係同樣咁有膠味~~~

又, 以你所見, 賽事進行時啲參賽者喺賽道上有幾大聲浪呢?

幾萬人一齊跑, 如果一粒聲都無, 我覺得反而有啲恐佈......