年初三

 

早上小朋友去看《盜月者》，我則偷得浮生在床上大字睏多一會。 近中午，有朋友來拜年，傾談間又到一時多。 

雖則只是年初三，但人多在屋爭吵多，又忍不住同小朋友們「開年」。 大鬥法間，連ROUTER也拆下來，免得終日為打機睇機而消磨。 

二時多與小小朋友到樓下看舞獅，跳梅花樁。 話說舊年農曆年間防疫措施仍未全鬆綁，但前兩年是全面封鎖，舞獅再度出場落得雞手鴨腳，踏錯腳、底樁不穩繼而成隻獅四腳朝天的蝦轆短片瘋傳。 今年則好好多矣。 喜見傳統技藝的韌性與生命力也。

晚上到外母家吃飯，幾個家庭聚在一起。 又過一天了。