黃仁宇都要去 Meeting

乎 meeting 者即每天兩次的開小差,茶餐廳時間也,早餐一次,下午四點半再一次。 關於 meeting 目的,要是說為了餓,所以要吃,我想是不能,因為經過午飯加午睡,到晚飯前的一刻實在還是飽。 茶餐廳小聚,目的還是要消磨時間,為懶而懶,也為下一刻的追死線培養氣氛。 不過呢,正面點說,茶餐廳時間實在是培養人際關係的好地方,在地盤裡像我們這些外圍部門,不屬有生產力的範圍,處事更需面面俱圓,否則人家睬你都傻矣。

當然,要是根據公司的人事(架構)樹木圖,身處樹中心位置的理應可以呼召在樹腳的,幫幫手作這樣做那樣。 但要是摸不清架構中的脈絡時,只會是入錯廟拜錯神,事與願違,指令石沉大海去。 不單是指地盤,在各稍具規模的公司 (即人多少少的) 都會遇上這樣的問題。 商業機構始終是由人組成,人際關係滲著架構中每一環。 冷冰冰的商業機械並不能完全剔除參予者的個人喜惡,問題是影響是或多還是少。

為什麼會想起這些東西? 原因是近來常常想起黃仁宇寫的資本主義組成要素,其中一項便是經理人材的使用,使工作可以變得具傳遞性及指派性,能超越個人耳目可及的範圍。 祭「資本主義」四個大字,好像很嚇人般,其實只是在工作中我很少成功指得郁人,直情有些孩子上戰場的感覺,好事多磨時益發想起黃仁宇的成名偉論,中國「資本主義」的不成功,因為擺脫不了以個人為核心的關係網。 但 Meeting 的核心要旨就是要培養個人對個人的關係,增加工作效率。 係咪好矛盾 呢......

有機會不妨向些雜工呀/管工呀/同事呀解釋一下這個關係先。 老友即係咁,你先唔好理我係唔係黑口黑面,我叫你做的東西你明不明白,其實呢你係唔駛明,只要去做就可以,原因只有一個,我係高層過你咁囉,你又唔需要氣頂喎,你要當你眼前做得你個仔有餘的死靚仔係透明就可以,你要知道你接受的係個商業機構的決定,都係個句,你即刻仆倒去做啦,你做完件事並唔係幫咗我呀,你係幫咗公司,同埋呢,這是一件愛國行為呢,你知不知道點解中國係清末會比洋人/日本仔打? 之唔係我地實行唔到「資本主義」囉,點解實行唔到? 阿黃仁宇講過呀...... (下刪半個鐘的大話西遊)。

成功的話,我肯定出位。 加油。

Comments

瑪姬 said…
希望你講時唔會比人$##x%^yz
加油吧! 三無
晨 said…
同感同感!
我工作的診所有個同事一點不識醫,但喜歡對病人講解醫學,搶在我面前答病人問題.
不懂的地方,毫不用腦,就問"點解呀點解呀"
我拒絕解, 並很不客氣地說:識d唔識d衰過一d都唔識.你好多o野唔駛知,只需話"唔知",然後叫病人問醫生.
作為一個醫學layman,他怎麼答我?
"唔係!識dd好過乜都唔識!"
此時此刻,我也很想講"你唔駛明你只需照我講去做.就係收聲.",但我知,講了,也無用.
也就只好由他繼續向病人胡說下去, 走著瞧了.