工地爛gag王

爛gag王者於工地名義上也屬膠椅之一。 與他開會是一件充滿歡樂的事，因為他反應快，在他腦中時時也有一大埋似是而非的大道理大比喻，常常也可將一眾騙頭（至少在語言上）點得陀陀令。

以下是爛gag王的精選金句：

背景： 每次檢查，一眾騙頭都要走鬼，將不安全的人和事東收西藏，好不狼狽。
爛gag王： X！ 家陣叫你收野仔呀！ 收收埋埋好唔見得人咩！ 平時做好Ｄ咪得囉Ｘ街！

背景： 工地衛生環境日差，飯盒四處是，沒人理，在一埋埋堆堆垃圾間，飯照食覺照睏。
爛gag王： X！ 你估你地係城門河Ｄ金山「魚則」呀？ 污穢辣撻都生存到？ 我同你講你唔係條金山「魚則」，我lee 度亦唔會比你攪到似城門河！

背景： 工地表現失準，client 有壓力下來。
爛gag王： o拿！ 我有壓力，你都有壓力o者！ 正所謂鎚仔dup釘釘dup木，我就係支釘，你就係舊木，我比人dup，你都唔會好過。

背景： 他想推行些 mission impossible 的計劃。
爛gag王： Ｘ！ 公司想我做死士都冇問題格！ 不過都比幾個炸彈我綁係身上先啦～～ 比把十字軍刀我就叫我衝？ 點Ｘ樣做呀？